क्षण सौख्याचे

[शिवाजी सांगळे]

क्षण सौख्याचे

तळ्याकाठच्या आठवणी त्या
हल्ली पाठलाग असा का करती ?
उलटून गेलेल्या त्या सांजवेळा
अचानक उगाच पहाटे का स्मरती ?

स्पर्श,गंध, सहवास त्या वेळचा
राहतो रेंगाळत उगाच का भोवती ?
रंगाची उधळण समान भासते
जातेय गोंधळून म्हणूनी का मती ?

खरे खोटे जरी काहीही असले
तरी देई जगण्या भास ही स्फूर्ती !
पुनरपि यावे, क्षण ते सौख्याचे
चक्रे डोक्यात अताशा का फिरती ?

©शिवाजी सांगळे 🦋papillon
संपर्क: +९१ ९५४५९७६५८९[/size][/size][/i]