मानसिकता

[शिवाजी सांगळे]

मानसिकता

किती वेळ मौनात राहू काळ काही थांबेना
वेदना अंतरीच्या माझ्या कुणालाही कळेना

तूच हो तुझी रणरागिनी, लढण्यास युद्ध हे
मनोवांछित करून घ्यावी पूर्ण तव कामना

गोठल्यात भावना सगळ्या शतकानुशतके
बंधनातून मुक्त करण्या कुणीही पुढे येईना

स्त्री शिक्षण न् स्त्री मुक्ती, झाले सर्व काही
यत्न केले बहुतांनी, तरीही स्थिती सुधरेना

अत्याचार, बलात्कार विरोधी कायदे, तरी
मानसिकता समाजाची तसूभरही बदलेना

©शिवाजी सांगळे 🦋papillon
संपर्क: +९१ ९५४५९७६५८९

[yallappa.kokane]

खूप छान

[शिवाजी सांगळे]

धन्यवाद मित्रा 🙏🏻