संजीव

[शिवाजी सांगळे]

संजीव

आयुष्यातल्या भावुक वळणावर...भेट तुझी
नव उमेद जगण्याची देणारी ठरली भेट तुझी

मनात कोरलेली ती गुंतागुंत का थोडी असते
सैलावून बंध हळूवार ते घडून गेली भेट तुझी

उरलो ना मी त्या क्षणी माझा..भारावून गेलो
मंत्रमुग्ध करून मज मनात रुजली भेट तुझी

घडून जाता सारे, उरलो नाही कुणाचे कोणी
उमटवून ठसा आयुष्यावर या गेली भेट तुझी

कौतुक न केवळ हे, जाणीव मन मनात उरते
संजीव अगम्य असे...रुजवून गेली भेट तुझी

©शिवाजी सांगळे 🦋papillon
संपर्क: +९१ ९५४५९७६५८९