जीवन वारी

[शिवाजी सांगळे]

जीवन वारी

माझा विठ्ठल माझी वारी...चाले या संसारी
कर्मकांड विठ्ठल माझे..श्वासांची उसनवारी

चालतो अखंड पायी वेडा चाळा रे भक्तीचा
माया भाबडी अनन्य भक्तीत रचलीस सारी

ओढ लागे भेटीची स्पर्श करण्या त्वा चरणी
कळे तु वारीत चालता कसे फिरावे माघारी 

आठवे कृपाळू बरसता घन म्हणता सावळा
अखंड महापूर ओसंडे श्रद्धेचा चंद्रभागे तीरी

रित्या हाती येऊनी होऊन जातो शिवा तुझा
कृपा प्रसाद पुरतो तुझा चालता जीवन वारी

©शिवाजी सांगळे 🦋papillon
संपर्क: +९१ ९५४५९७६५८९