श्वास

[yallappa.kokane]

श्वास

आयुष्य किती शिल्लक आहे
हे श्वास, सांग तू मला जराशी
तुझाच भरवसा आहे म्हणूनी
स्वप्ने बाळगून आहे मी उराशी

जगलो नाही मी स्वतःसाठी
दुसऱ्यांचा आनंद जपताना
लोकांना नेहमी पाहतो आहे
फक्त स्वार्थ साधून जगताना

जीवन मृत्यूचे अंतर वाढू दे
बरेचसे लक्ष गाठायचे आहे
श्वास, तू रोखू नकोस मजला
मुलांचे संसार थाटायचे आहे

शेवट मी सत्य जाणतो एकच
श्वास, तुझा कुठलाही धर्म नाही
हे सारं कमावलेलं क्षणार्धात
सोडून जावं लागेल सर्व काही

यल्लप्पा सटवाजी कोकणे