विसर्जन गणपती बाप्पाचे

[Atul Kaviraje]

दिवस होते सुंदर, गणेश उत्सवाचे
मांगल्याचे, आनंदाचे, भक्तीभावाचे, सळसळत्या उत्साहाचे
भर्रकन निघून गेले, कळलेच नाही,
होते मंगल, बाप्पा तुझ्या सहवासातले.

वर्षाकाठी तुझे आगमन होते घरा
रांगोळी काढते, तोरण लावीते द्वारा
मांगल्याचा, पावित्र्यतेचा वाहू लागतो वारा,
स्वागताची करिते तयारी, कर्पूरगौरा, करुणावतारा.

भक्तिभावे पूजिले, आरती ओवाळिली तुजला
मोदकांचा प्रसाद मनोभावे अर्पण केला
तुझी सुंदर मूर्ती हासत होती,
प्रसन्न आहे तुझ्यावर, सांगत होती.

तुझ्या चरणांशी माथा मी ठेवीला
तुझा आशीर्वाद देवा मजसी मिळाला
पाप धुवून निघाले, पुण्य लाभले,
मन माझे भक्तिभावाच्या रसात नाहले.

बाप्पा राहून-राहून तुझी आठवण येईल
मखरातली मूर्ती सदैव लक्षात राहील
तू गेलास तरी मनात असशील,
तुझा आशीर्वाद नेहमीच पाठीशी राहील.

जड अंतःकरणाने तुज निरोप देतेय
अश्रुपूर्ण नयनांनी तुझी पाठवणी करतेय
तू असशीलच माझ्या मनात वर्षभर,
पुढील वर्षाची आतुरतेने वाट पहातेय.

--अतुल परब
--दिनांक-19.09.2024-गुरुवार.
===========================================