निळी साडी, सोनरी पदर

[Atul Kaviraje]

निळी साडी, सोनरी पदर--

निळी साडी, सोनरी पदर
निळ्या बांगड्या, सुंदर दागिने
हातात अंगठी, गळ्यात माळा,
कानात कर्णफुलांचा साज आगळा.

संपूर्ण जग विसरलीस तू
जेव्हा निसर्गात उभी राहिली
गुलाबी गंधात तू गुंफली,
प्रेमाच्या सुरांत तू हरवली.

तुझे डोळे चंद्राचे चांदणे
तुला पाहून मन रमते
काळ्या केसांच्या बटांत,
प्रेमाची कहाणी फुलते.

सूर्याचे सोनेरी सानुले किरण
पाण्यातील सावल्यांत छान खेळते
मन तुझे निर्सगात रमते,
मनाला तुझ्या शांती लाभते .

निळी साडी, निळ्या बांगड्या
निळ्या आभाळाखाली, निळ्या निसर्ग
निळेच आहे सारे तराणे,
तूच आहेस माझ्या जीवनाचे गाणे.

--अतुल परब
--दिनांक-07.10.2024-सोमवार.
===========================================