मग हवी कशाला साक्ष

[sulabhasabnis@gmail.com]

            मग हवी कशाला साक्ष
     नजरेत गुंतता नजर खुणगाठ पटे प्रीतीची
     मग हवी कशाला साक्ष त्या चंद्र-चांदण्यांची
            मजसाठी काय तू दिधले
            तुजसाठी काय मी त्यजिले
            हे हिशेब आता मिटले     
     सुखदु:खे एकच झाली दो भिन्न जीवनांची
             साथीस नाही संगीत
             नच शब्दसाज गीतात 
             तरी गाऊ  प्रीतीगीत   
     जुळता सुरास हे  सूर गोडी अवीट साची   
            तुजसवे दु:खही गमते 
            तुजवीण सौख्य नावडते
            ठाउक हे परस्परांते
     लवभर न अंतरी किंतु प्रीती जन्मांतरिची
                  ---------------