सहल

[स्वप्नील वायचळ]

                         सहल

एकदा सगळ्या देवांनी सहल काढायचे ठरवले
एवढ्या मोठ्या विश्वामध्ये पृथ्वीला निवडले
उत्साहाने येऊन सगळे पाहतात तर काय
गजबजलेल्या जगात या ठेवू कुठे पाय

आले होते ते येथे शांतीच्या अपेक्षेत
दिसले त्यांना देश फक्त युद्धाच्या प्रतीक्षेत
स्वार्थासाठी मानवाने तोडली होती जंगले
धोक्यामध्ये आले होते पशु पक्षी सगळे

जिकडे तिकडे प्रदूषित जल वायू ध्वनी
अविवेकी मानवाला चिंता नाही मनी
मानवाच्या पापांचा भरला होता घडा
देवांनी ठरविले शिकवायचा धडा

अस्थमा स्वाइन फ्लू सारखे आले आजार
पूर दुष्काळ गर्मीने माणूस झाला बेजार
आपला स्वार्थ ठेवून त्याने निसर्गावर
कुऱ्हाड घेतली मारून आपल्याच पायावर

                           -स्वप्नील वायचळ