कायदा!

[pralhad.dudhal]

          कायदा!
व्यवहारी बाजारात पाह्यला ना फायदा!
करंटा मी,पाळला न एकही वायदा!

सन्मार्ग जयाला मानीत होतो तो न तसा,
मार्ग सरळ माझा ठरला तो बेकायदा!

मिळविले ग्यान ते कुचकामी आहे इथे,
या जगाची तत्वे,आहे वेगळीच संपदा!

यशाचे गणित ते माझ्यास्तव होते साधे,
अपयशाचा कलंक लागला माथी सदा!

शिकलो आता मी वावगी ही भाषा येथली,
म्हणती आता पाळतो येथला कायदा!
                प्रल्हाद दुधाळ.
www.dudhalpralhad.blogspot.com