गोष्ट अस्तित्वाची

[शिवाजी सांगळे]

गोष्ट अस्तित्वाची

सापडेना मज, स्वतःतला तु देवा हल्ली
देवळा देवळात शोधतो तुज देवा हल्ली

चेंगरून गर्दीत आणि लावीत रांगा मठी
असतो उभा फक्त,प्रदर्शनीत देवा हल्ली

कुठवर पहावी, वाट मी तुझ्या दर्शनाची
दिसशिल का रे, तु ओझरता देवा हल्ली

भक्ती किती, देखावा किती, काय सांगू?
जाणतोस तुच खरे मनातले देवा हल्ली

गोष्ट खरी सांगतो हळूच, ऐक तु एकदा
भक्तांमुळे इथे अस्तित्व तुझे देवा हल्ली

©शिवाजी सांगळे 🦋papillon
संपर्क: +९१ ९५४५९७६५८९