उंदीर दादा

[बाळासाहेब तानवडे]

उंदीर दादा
(बालगीत)
तुरू-तुरू चालतो , ची-ची करून बोलतो.
चाहूल लागता माझी , दूर कोपर्‍यात पळतो.

मनी माउशी का रे तुझ सदाचच वाकड.
पाहताच तिला घाबरून तु गाठतोस बाकड.

उंदीर दादा - उंदीर दादा, थांब तर खरा.
माझी एक विनंती, ऐक ना रे जरा.

खेळायला माझ्याशी, आज चिंटू नाही आला.
भांडखोर चिंगीशी ,काल माझा अबोला झाला.

माझ्या या खेळात हो भिडू तु माझा.
बन तु भामटा चोर ,बनेन मी शूर राजा.

तु काय बुवा, गणेशाचा दोस्त!
ऐटीत बसतो बाजुला, लाडू करतो फस्त.

ये – ये उंदीर दादा,माझ एक काम कर ना रे.
गणेशाला सांगुन , खेळायला चांदोबा दे ना रे.

कवी : बाळासाहेब तानवडे
© बाळासाहेब तानवडे – ०३/०२/२०११
http://marathikavitablt.blogspot.com/
http://hindikavitablt.blogspot.com/
प्रतिक्रीया अपेक्षित