"आयुष्य."

[charudutta_090]

ओम साई.
"आयुष्य."
जीवन हे प्रेम करायला आहे ,राग ठेवायला नाही,
सुखद क्षण हे वेचायला आहे,गमवायला नाही;
लोभ  हा पसरवायला आहे,आट्वायला नाही,
शब्द हे समजायला आहेत,पटवायला नाही;
इच्छा हि ठेवायला आहे,मोडायला नाही,
मैत्री हि जोडायला आहे तोडायला नाही;
गैर समज हे गैरच आहेत,जे जोपासायला नाही,
मैत्री ताप नसून उब आहे,जी तपासायला नाही;
कोवळं ओलं भावनिक रोपटं,लावायला आहे उपसायला नाही,
कविता सुरी, शब्द फोडायला आहे,हृदयी खुपसायला नाही;
मन-हृदय भिजली माती आहे,वाळवंट-रेती नाही,
सुंदर भावना पालवी-पिक आहे,पसरली शेती नाही;
जीव हा उमलती कळी आहे,पूर्ण बाग नाही,
चीड हि काटारुपी रुत आहे,मनात रुजता राग नाही;
शृंगार हा मखमली गालीचा आहे,बोचती चादर नाही,
ती प्रितीच काय जिला मोहित मदनाचा आदर नाही;
आयुष्य हे खोल प्रगल्भित ज्ञान आहे,क्षणिक अविचार नाही,
ते सुविचारीत पुष्पं-गुच्छ आहे,ज्यात सुकले कुविचार नाही...!
चारुदत्त अघोर.(ता.१९/२/११)

[santoshi.world]

chhan ahe