थेंब-दत्त गाणे

[विक्रांत]

थेंब
*****
उघडून बाहू उभे सागरात
इवले शिंपले स्वाती नक्षत्रात

पडूनिया थेंब कुणाच्या मुखात
फळेल हे भाग्य मोतीया रंगात

तया ठाव असे कृपेचे इंगित
केवळ प्रार्थना तयाच्या हातात

उलटून स्वाती जाते संवत्सर
माहीत तयाला थांबणे तोवर

तीच परिक्रमा त्याच पथावर
कधी ओघळेल कृपा देहावर

पसरून बाहू आपल्या मनाचे
गात असे गाणे विक्रांत दत्ताचे

🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com 
☘☘☘☘ 🕉�