माझ्या देवघरी

Started by विक्रांत, February 12, 2025, 04:14:47 PM

Previous topic - Next topic

विक्रांत

अंगणात
********
माझ्या देवघरी सगुण खेळणी
ठेवली मांडूनी एक एक ॥ १

लंगडा श्रीकृष्ण वाघावरी आईं
उपदेश देई दत्तात्रेय ॥ २

गोड गणपती देव पशुपती
देवी सरस्वती सुंदरशी ॥३

रामकृष्ण स्वामी ज्ञानदेव साई
नर्मदा गंगाई श्रीनाथजी ॥ ४

राम पंचायन  ठेवले मांडून
सवे .गजानन  शेगावीचा ॥ ५

खेळता खेळता भरले अंगण
भरेना ग मन काय करू ॥ ६

घराच्या आतून माय बोलावते
जावे न वाटते परी आत ॥ ७

याद देई सांज सरू आला खेळ
कुशीत त्या वेळ शिरण्याची । ८

🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com 
☘☘☘☘ 🕉� -