छळ

[विक्रांत]

छळ
*****
माझ्यात उमटलेल्या
तुझ्या अस्तित्व खूणा
कधीच नाही मिटत   

ती आग तू लावलेली
सारा आषाढ कोसळूनही
कधीच नाही  विझत

कधी वाटते मी माझ्यात
वाहतोय ओझे जन्माचे
मुळीच नाही जगत

कर्ज तुझ्या प्रेमाचे
व्याज एकेक दिवसाचे
फिटता नाही फिटत

थकलेत हे नेत्र आणि
आकाशाचे चित्र तुझे
कधीच झाले पुसट

कळल्यावचून फलित
ध्वनी तुझ्या पदरवाचे
राहती सदैव छळत

🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com 
☘☘☘☘ 🕉� -