पाटी--दत्त गीत

[विक्रांत]

पाटी
*****
तुझ्यासाठी लिहलेली दत्तात्रेया तुझी गाणी
सांभाळली हरवली कुठे कधी नेली कुणी

तुझ्यासाठी तुझे गाणे उतरले माझ्या मनी
मोठेपण काय त्यात सारे गेलो विसरूनी

भक्ती माझी वाढली का जरी मज ठाव नाही
कवितेत ओघळले  तेही माझे नाव नाही

जयासाठी शब्द होते तया हृदयात गेले
हेलकरी भारवाही चाकरीचे काम झाले

शिजेल मी आणलेले येईल प्रसाद हाती
तोवरी रे माथ्यावरी सुखे वाहायची पाटी

तुझे शब्द तुझ्यासाठी तुज भजण्याची युक्ती
उतरून अलगद येऊ देत सदा ओठी

🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com 
☘☘☘☘ 🕉� -