संतांचे दर्शन

[विक्रांत]

संतांचे दर्शन
**********

संतांचे दर्शन संताचीच कृपा
बाकी अर्थ नसे काही खटाटोपा

संत बोलावती तेव्हा घडे जाणे
अन्यथा घडते नित्याचे जगणे

कुणा घडे रोज कुणाला क्वचित
भाग्य वा प्रारब्ध तयात खचित

आपल्या हातात असते भजने
त्यांनी जे दिले ते तसे जगणे

तया चैतन्याचा दिवा हृदयात
विक्रांत निवांत ठेवतो तेवत

🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com 
☘☘☘☘ 🕉� -