प्रत्येक दिवस

[शिवाजी सांगळे]

प्रत्येक दिवस

प्रत्येक दिवस सारखा नसतो...
मानलं तर एकाअर्थी खरं आहे,

चाकोरीबद्ध जीवन हे आपलं
नियमितपणे तर जगतोच आहे !

कधीतरी नवी घटना समोर येते
अन् अचानक थोडा बदल होतो,

टाळू शकत नसल्याने, आपण
आपसूकच त्यात अडकून जातो !

असंच आहे अनिश्चिततेचं काम
निश्चितपणे अविरत चालत असते,

प्रत्येक दिवस हा सारखा नसतो
म्हणून सत्य हे मान्य करावे लागते !


©शिवाजी सांगळे 🦋papillon
संपर्क: +९१ ९५४५९७६५८९