पांथस्थ

[शिवाजी सांगळे]

पांथस्थ

खरा तर नशिबाचा खेळ सारा
वळणावर संपतो रस्ता बिचारा
पाहताना दूरवरून कधी कधी
साऱ्यांना भुलवितो, हा नजारा

दोष ना त्याचा, न् तुमचा काही
भ्रम केवळ, मनाचा खेळ सारा
सारीच वाट ती त्याची बेतलेली
वळणे नागमोडी, प्रवास न्यारा

व्याप मनाचा, अन् ताप देहाला
अविरत चाले हा संसार पसारा
कोणा ठावे कोण कुठवर साथी
संथ पथी, शोधे पांथस्थ सहारा

©शिवाजी सांगळे 🦋papillon
संपर्क: +९१ ९५४५९७६५८९