एकांतवेळी

[शिवाजी सांगळे]

एकांतवेळी

काय सांगू एकांतवेळी, काय काय होते
राहून राहून सारखी तुझी आठवण येते

आक्रंदत राहते मन उगा आतल्या आत
शोधण्यास तुला झाडां फुलांत दौड घेते

बैचेन भावनांचा, उरी या केवढा पसारा
सावरावे म्हणता, फिरून मना सतावते

करावी प्रतिक्षा कुठवर,एकट्या एकांती
आवर्तन ते भासांचे, तुझ्या वारंवार होते

कसे कळावे तुला, एकांत कसा छळतो
उगाच का,मन माझे गाणे विरहाचे गाते

©शिवाजी सांगळे 🦋papillon
संपर्क: +९१ ९५४५९७६५८९