शहरामध्ये

[शिवाजी सांगळे]

शहरामध्ये

वेदनांना गाव नाही बदलत्या शहरामध्ये
भावनांना भाव नाही वाढत्या शहरामध्ये

जो तो व्यस्त येथे, कार्यात कोणत्यातरी
ऐकण्या नाही कुणी बोलत्या शहरामध्ये

दाखवतो रात्रंदिवस आसमंत एकच रंग 
लख्ख उजेड नभात जागत्या शहरामध्ये

भडकतात ज्वाळा दुरदूर वर ठिणग्यांनी
स्वार्थ साधू अफवांनी पेटत्या शहरामध्ये

पुर्वापार म्हटले गेले "थांबला तो संपला"
खरे उतरते सत्यात, धावत्या शहरामध्ये

©शिवाजी सांगळे 🦋papillon
संपर्क: +९१ ९५४५९७६५८९