तुटलो असा की

[शिवाजी सांगळे]

तुटलो असा की

एकदा तुटलो असा की, पुन्हा वळलो नाही
बदलूनी वागणे बोलणे कुणा कळलो नाही

सोडली वाट ती, देवून दु:खे जी गेली काही
दाखवली आमिषे कैक तरी पाघळलो नाही

उगाच पोळले आयुष्याने,या असे वेळोवेळी
अज्ञाताने कोणा बळ दिले नी जळलो नाही 

पचवता पचवता खेळात डाव छळकपटाचे   
नव्हतो अव्वल तरी, मुद्दाम कोसळलो नाही

लागले वेड जीवनाचे, अविट सोसता वेदना
मात्र मायेस आभासी, येथल्या चळलो नाही

©शिवाजी सांगळे 🦋papillon
संपर्क: +९१ ९५४५९७६५८९