अज्ञात शक्ती

[शिवाजी सांगळे]

अज्ञात शक्ती

उच्चारलास कधी शेवटचा शब्द स्मरतो का
मुक,अबोल संवाद ध्यानी कोणा राहतो का

चालणार कुठवर, प्रित ही राखून मौन असे
राग रूसवा एवढा, मनात कोणी ठेवतो का

कटाक्ष स्पर्श आधी, नंतर संवाद घडला येथे
वैश्विक संपर्क आधार हा सहजी तोडतो का

होतो आघात शब्दांनी,कबूल, तरीही प्रेमात
दिल्या घेतलेल्या शब्दांचे महत्व टाळतो का

शब्दच देती धीर,आधार हिम्मत आपल्याला
प्रसंगी तीच असते अज्ञात शक्ती जाणतो का

©शिवाजी सांगळे 🦋papillon
संपर्क: +९१ ९५४५९७६५८९