मनी काहूर काहूर...

[Tinkutinkle]

.
मनी काहूर काहूर
किती प्रश्नांचे दाटले,
असे कसे पुन्हा पुन्हा
जगणे नकोसे वाटले,
.
आता रडूही येईना
आसू आटले आटले,
हासु ओठातले माझ्या
कधीच हरवून गेले,
.
सुखानंतर क्षणाच्या
सतत दुःख पदरी आले,
सांग देवा तुझे कसे
दान उलटे पडले?
.
कधी का कळले कुणास
काय प्राक्तनात दडले,
तरीही मनाच्या देव्हारी
आशेचा दिवा लावून बसले,
तरीही मनाच्या देव्हारी
आशेचा दिवा लावून बसले.
.
-ट्विँकल देशपांडे.

[gaurig]

khupach chan......

[Tinkutinkle]

Khup dhanyavad....