तु विठ्ठला

[शिवाजी सांगळे]

तु विठ्ठला

काय सांगू दिसतोस, कुठे कुणा तु विठ्ठला
कष्टणाऱ्यांच्या हातातील कष्टात तु विठ्ठला

सावळ्या नभात तु, न् कोसळत्या धारेत तु
मातीत तु,पिकात भरल्या शेतात तु विठ्ठला

कपाळी नामात तु, अबीर गुलाल रंगात तु
वाऱ्यावर फडकणाऱ्या, ध्वजात तु विठ्ठला

टाळात तु, मृदंगात तु, डोईवर तुळशीत तु
वारीमध्ये चालणाऱ्यां, पावलात तु विठ्ठला

नाम्याच्या पायरीत तु राऊळी कळसात तु
फिरता मागे,भक्तांच्या डोळ्यात तु विठ्ठला

©शिवाजी सांगळे 🦋papillon
संपर्क: +९१ ९५४५९७६५८९