कल्पनेच्या तीरावर

[शिवाजी सांगळे]

कल्पनेच्या तीरावर

कित्येक स्मृतींचा ठेवा, कल्पनेच्या तीरावर
तेव्हा मात्र मन नादान भिरभिरते वाऱ्यावर

गोडी म्हणा, खोडी म्हणा, लागतोच चाळा
इवला जीव हा मग राहतोय कुठे थाऱ्यावर

डुबकी दर डुबकी आठवत राहते काहीतरी
पुन्हा विसरते भान न् ताबा कसला मनावर

सगळे खोडकर पाणी ढग मन आणि वारा
आरोप प्रत्यारोप, कुणी, करायचा कुणावर

विसरतो स्वतःला, डोकावता हळूहळू येथे
विरघळताना प्रतिबिंब हे पारदर्शी जळावर

©शिवाजी सांगळे 🦋papillon
संपर्क: +९१ ९५४५९७६५८९