स्वातंत्र्य बंधनातले

[शिवाजी सांगळे]

स्वातंत्र्य बंधनातले

जीव गुदमरत आहे, रे अधांतरी
व्याप खासा, येण्या जमिनीवरी

कोणते आकाश येथे, जगण्याचे
तरीही झुलतोच आहे वाऱ्यावरी

सारेच व्यर्थ, अवडंबर शाश्वताचे
कोण नाही, अवलंबून कुणावरी

वाटे मोहक, स्वातंत्र्य बंधनातले
गुदमरतो श्वास बेतता जीवावरी

खेळ अवघा, विचारांचा एकल्या
तुटते नाळ,कळते येता भानावरी

©शिवाजी सांगळे 🦋papillon
संपर्क: +९१ ९५४५९७६५८९