"प्रेमगाणे गायचे...!"

[msdjan_marathi]

(माझ्या सर्व प्रेमवीर मित्रांसाठी हि कविता.....! पण ती शब्दश: घेऊ नका... हि विनंती....! आणि आवडल्यास अभिप्राय जरूर द्या...!)

"प्रेमगाणे गायचे...!"

प्रेमगाणे गायचे.. हो .. प्रेमगाणे गायचे...!  ......॥२॥
भाव अंतरीचे आपुल्या अंतरात घोळायचे...
होऊनी तृणपाखरू वा-यासंगे डोलायचे...
जीवनातल्या रिमझिम सरींना दूर ना सारायचे...
ओलेचिंब होऊनी प्रेमसागरी डुंबायचे...
प्रेमगाणे गायचे.. हो .. प्रेमगाणे गायचे...!  ......॥२॥

जग हे रुसले तरी प्रेमास ना रुसवायचे...
खंतीलेल्या प्रियास निखळ, निर्मळ हसवायचे...
रोखू पाहील हे जग तरी वेड्या मनास ना रोखायचे...
चुकल्या जरी दिशा सा-या परि ध्येय्य ना चुकवायचे...
प्रेमगाणे गायचे.. हो .. प्रेमगाणे गायचे...!  ......॥२॥

तलम गुलाबी रेशीमधागी साजणीस गुंतवायचे...
ओढीने मग मनमनाच्या गुंत्यात त्या गुंतायचे...
विसरुनी हे विश्व स्वप्नी आगळ्या जगी जायचे...
स्वर जे ऊरी-कंठात आपुल्या गीतात गुंफून गायचे...
प्रेमगाणे गायचे.. हो .. प्रेमगाणे गायचे...!  ......॥२॥
                                                                            ..........महेंद्र

[केदार मेहेंदळे]

chan ahe.... chal hi chan lavta yeil

[radheyjoshi]

आवडले तर अभिप्राय द्याचा आणि  नाही आवडले तर kay लिहायचे कृपया सांगाल का

[mrralekar]

Chan lihali ahe mahendra ..........