"शांत किनारा...!

[msdjan_marathi]

"शांत किनारा...! "
शांत ऋतू हा... शांत वेळ ही... नभी शांत तेव तारे...
तरीही अलगुज करीत कुणाशी घोंगावतात वारे...
टाहो फोडत मिलनास जणू आन्क्रंदिले किनारे...
समुद्र शीतल पांघरावया उत्सुक वाळूचे निखारे...!
"शांत ऋतू हा... शांत वेळ ही... नभी शांत तेव तारे...!"

शीळ वेळूचे क्षणात उठवी अंगावरी शहारे...
रातकिड्यांची किरकिर बसवी रातीतही पहारे...
आठवांची उगाच मैफिल सजवतात हे नजारे...
अलवार् प्रीतीचे गंध लेवुनी रानकेवडा तरारे...!
"शांत ऋतू हा... शांत वेळ ही... नभी शांत तेव तारे...!"

मन वेडे माझे अशात पळपळ  तुलाच पुकारे...
आभास तुझा, ह्या दास तुझ्या देतो पहा पिसारे...
मग दवासवे मधुस्पर्श तुझा दावी रूप ते बिलोरे...
सताड उघड्या डोळ्यांनी पाही मी स्वप्नांचे मनोरे...!
"शांत ऋतू हा... शांत वेळ ही... नभी शांत तेव तारे...!"
                                                                                ...........महेंद्र