माळतेस जेव्हा

[शिवाजी सांगळे]

माळतेस जेव्हा

गंधाळून जातो भोवती परिसर सारा
माळतेस जेव्हा केसात मोगरी गजरा

कळत नाही कसले आकर्षण वाढते
वळतात फिरून तुझ्या कडेच नजरा

नको वाटते कुणी, गुलाब अन् चाफा
असतांना आसपास दरवळता मोगरा

मोह तुझा की त्याचा हे काही कळेना
जिंकणार मैफिल अंदाज ठरतो खरा

चुकून ओघळता, त्यातून फुल एखादे
गर्दितही हळहळतो दर्दी कुणी बिचारा

©शिवाजी सांगळे 🦋papillon
संपर्क: +९१ ९५४५९७६५८९