इथे सावल्यांचा आधार दिसत नाही (गझल)

[praveen.rachatwar]

आठवणींचा बाजार दिसत नाही
मला इथे माझा यार दिसत नाही

बहुधा विश्वासघाताने मारले
तुझ्या हातात कट्यार दिसत नाही

चालत चालत आलो अशा ठिकाणी
इथे सावल्यांचा आधार दिसत नाही

नियतीचा खेळ काही असा असतो
दिसतो मार तिचा वार दिसत नाही

बहुतेक ती गावात आली असेल
घरात माझ्या अंधार दिसत नाही

मन जिद्दी माझे ऐकणार नाही
तिला भुलण्याचा विचार दिसत नाही

आज सूर्य पश्चिमेला उगवलाय का?
'प्रवीण' आज बेजार दिसत नाही

                    - प्रवीण राचतवार

[केदार मेहेंदळे]

bhot khub....