आणि हे सारं...सारं तुझ्या प्रेमाने

[Rohit Dhage]

एक अशी निळी सकाळ
होईल तुझ्या येण्याने
सळसळतील पाने अंगणातली
तुझ्या निखळ हसण्याने

पसरतील सोनेरी किरणे
येतील कवडसे दाराने
आणि तेही दिपून जातील मग
तुझ्या लाख तेजाने

उमलतील फुले आडोशाची
पडतील सडे पारिजातकाचे
तू जाशील वेचायला
तर भिजवेल तो दवाने

मग मेघ गर्जून येतील
पुन्हा रानात बरसून जातील
वेडी लोकं म्हणतील
"ह्म्म्म आला पावसाळा.."
आता त्यांना कसे हे ठाऊक असणार
इथला मेघही लाजतो तुझ्या प्रेमाने

- रोहित

[Priyanka Jadhav]

chaan!!

[Rohit Dhage]

thenx 

[Pravin5000]

Aha.... mast...