समज

[शिवाजी सांगळे]

समज

तोल माझा का जातो हा प्रश्न मानवा तुला
करून सारखा हस्तक्षेप काय मिळते तुला

तालासुरात लयबद्ध चालते सर्व चक्र माझे
बिघडवून, माझी रचना काय मिळाले तुला

सहस्त्र करांनी दिले, जे मजकडे होते योग्य
लाभ त्यांचा घ्यावा कसा?ना उमजले तुला

अती तिथे माती होते, म्हणता रौद्र रूप घेते
तोल माझा तेव्हाच जातो? समज देते तुला

सावधान हो,सांभाळ तू अजूनही वेळ आहे
कुशीत मज जन्म घेऊनही का न कळे तुला

©शिवाजी सांगळे 🦋 papillon
संपर्क: +९१ ९५४५९७६५८९