घर हव आहे का?

[killedar]

घर
"या, या ,हे घर तुमचच आहे
इथे पाहुण्यांच स्वागतच आहे"
अशा पाट्या लावून आता
म्हणे जागोजागी घरे आहेत

फेंग शुई नि वास्तुशास्त्र
पिऊन मोठी घरे उभे आहेत
रिमोटकंट्रोलवर चालणारे
एक जग त्यामध्ये सज्ज आहे

खा अमेरिकन बर्गर फाईन
घ्या कधी इटलीयन वाईन
जरा चघळा संस्कृतीचे किस्से
शोधा आपल्या भाषेचे हिस्से

लागला जर आसामचा चहा
होईल तयार सेकंदात दहा
सीएनएन पहा रवीशंकर ऐका
तस हे घर ग्लोबल बर का.....

ऐका इथे कशाची उणीव नाही!
दारावरच्या भिकाऱ्याला येथे
प्रवेश नाही ...कारण त्याच्याकडे
हवा तो सिक्रेटकोड नाही!

ही इथली माणस आहेत
त्या जगाच्या चार कोपऱ्यात...
संगणक मोबाईलने जोडलेली
पण मनान कधीच दूर गेलेली...

ऐका हो ऐका..घर हव आहे का?
माणसाला माणूस हवा आहे का?
(तशी प्रत्येक घराला लागली आहे
एक घर घर कायमचीच!)
-सोनाली जोशी

[केदार मेहेंदळे]

surekh

[sulabhasabnis@gmail.com]

nice ---!!!