पिसे पहाटेचे........ ("निसर्गकविता")

[shashaank]

पिसे पहाटेचे........

....................पहाटे थंडीच्या
.................... हिरव्या रानात
................... ऐने चमकती
................... कशिदा कामात

पहाटे रानात
वारा काकडला
स्वस्थ पहुडला
झाडा झुडपात

................ पहाटे नदीच्या
................. अंगावर कोणी
................. मऊ पांघरली
................. धुक्याची ओढणी

पहाटे राऊळी
आर्जवी भूपाळी
सोडा शय्या देवा
उठा वनमाळी

................... पहाटे दारात
................... सड्याचे शिंपण
................... रांगोळीने सजे
................... अंगण अंगण

किलबिल कानी
जाग आली रानी
घुमे जात्यावर
मंजुळशी गाणी

..................पूर्व क्षितीजाशी
................. रेखिले गं कोणी
..................शुक्राचे गोंदण
.................. शशिच्या वदनी

रक्तिमा पूर्वेचा
शोभतो गालात
हासली गोडशी
गुलाबी पहाट

.................. धुक्यात सांडले
................. ऊन्हाचे आरसे
................. पहाटही वेडी
................. लावी बाई पिसे .......


-  शशांक पुरंदरे.

[salunke.monika]

khupach chhan

[केदार मेहेंदळे]

kavita chan.... presentetion pan chan.... khup avdl....

[shashaank]

मनापासून धन्यवाद मोनिका, केदार - कविता आवडल्याचे आवर्जून कळवल्याबद्दल.......

[dinesh pawar]

vaa, sundar kavitaa.

[shashaank]

Thanks to all......

[deeepaalee]

atishay surekh varnan v naadmay kavitaa aahe hee - khoopach goad kavita.

[shashaank]

thanks a lot.......

[shaaardool]

nice one and melodius..