निवड

[शिवाजी सांगळे]

निवड

मी स्वतःला निवडलं,त्यात काय बिघडलं?
सगळे तेच तर करतात,माझं काय चुकलं?

जगरहाटी तर आहे, आपल्यापुरतं पहायचं
उगा कशाला नवीन पायंड्यात अडकायचं?

वहायचं खुशाल, वाहत्या वाऱ्याच्या दिशेने
पाहूदेत आपणांस भले मग कुणी आसुयेने

मी,माझं,मला करता करता आयुष्य सरतं
कळून देखील सत्य, मनाला काय कळतं?

क्षणभंगुर टिकतं, आकर्षण सारं ऐहिकाच
फांदीवरलं पान तरी कुठे राहतंय फांदीचं?

©शिवाजी सांगळे 🦋 papillon
संपर्क: +९१ ९५४५९७६५८९