कविता एक शाळेसाठी

[vishakha beke]

कविता एक शाळेसाठी

दहा वर्षे होती आनंदाची
दहा वर्षे होती सुखाची
दहा वर्षे होती शिक्षणाची
दहा वर्षे होती शाळेच्या छायेत रमण्याची

कधी संपली दहा वर्षे हि
लक्षातच आले नाही
आत्ताच शाळेत आलो आहोत
सतत असेच वाटत राही

आई प्रमाणे केले प्रेम तुम्ही
बाबां प्रमाणे रागावलात ही
आई - बाबांच्या सहवासाचा विसर
नाही पडू दिलात तुम्ही

पहिले पाउल पडताच शाळेत
तुम्ही आमचा हात धरला
सगळ्या प्रकारचे शिक्षण देऊ
असा विश्वास घरच्यांना दिला

दिलेला विश्वास पाळलात तुम्ही
पण आम्हाला तो कळला नाही
कधी पडलो , भरकटलो , चुकलो आम्ही
पण तुम्ही हात सोडला नाही

सतत केला वर्षाव उत्कृष्ट संस्कारांचा
मार्ग दाखवला जीवनाचा
कधी डगमगू नये आम्ही म्हणून
बळकट केला आत्मविश्वास आमचा

आमच्या सप्तरंगी आयुष्यात
एक रंग असेल या शाळेचा
ह्या रंगाला कसे खुलवतो त्याचा
क्षण आला आहे स्वतःला तपासण्याचा

घेऊन तुमचा आशीर्वाद बरोबर
पुढचे पाउल टाकतो आहे
विसरणार नाही कधी
तुम्हाला आणि या शाळेला
हे आश्वासन देतो आहे

आली वेळ दूर जाण्याची
पण ... जाव्वत नाही आता
संपली दहा वर्षे ही
पण ... खरे वाटत नाही आत्ता   

संपली दहा वर्षे ही
पण ... खरे वाटत नाही आत्ता 
------- विशाखा बेके ------

[केदार मेहेंदळे]

khup chan bhavana mandlya aahet...

[vishakha beke]

thnx  sir