नेमके सत्य

[शिवाजी सांगळे]

नेमके सत्य

धडधडणे असे तुझ्या काळजाचे कळेना
आकर्षण आर्ततेतले की गूढतेचे कळेना

पंचतत्वात विरघळतो देह, म्हणतात जेष्ठ
परिणाम हे वर्तणुकीचे की ग्रहांचे कळेना

आहार,निद्रा,भय,मैथुन मापदंड जगण्या
खरे वर्चस्व नैतिकतेचे की धर्माचे कळेना

काळानुसार उमटलेले ओरखडे मनावरचे
दिलेले तुझे? की आहेत, स्वतःचे कळेना

अनादी ओढ शिवास सृष्टी न् अतर्क्याची   
नेमके सत्य, उजेड अन् अंधाराचे कळेना

©शिवाजी सांगळे 🦋 papillon
संपर्क: +९१ ९५४५९७६५८९