हट्ट गणेशबाळाचा....

[shashaank]

हट्ट गणेशबाळाचा....

गणेशबाळाचा आईकडे एकच हट्ट
"मलाही सेलफोन" धरला पदर घट्ट

"चारी हातात तुझ्या काही ना काही
कसा धरणार सेल, काही कळतच नाही"

"पितांबराला ना खिसा, मग कुठे ठेवणार ?
एक हरवल्यावर लगेच दुसरा मागणार"

"सोंड आहेना ही, अशी कानाशीही नेईल
सेल धरायची माझी बघशीलंच स्टाईल..."

बर्थ डे च्या आधीच मिळाला की सेल
गणेशबाप्पांना आता नवीनच खेळ

"हॅलो कार्तिक, गणेश कॉलिंग.."
बाप्पांचे एकदम फुल शायनिंग

(ऐटीत कार्तिकला कॉल लावला
"टचस्क्रीन भारीच आणलाय मला" )

"सुखकर्ता दु:खहर्ता"...ची वाजली धून
चमकून बघतात तर आपल्याच सेलमधून

मोदक जेव्हा आठवले आरती रिंगटोन ऐकून
सेल टाकून बाप्पा धावले सोंड उंचाऊन........

- पुरंदरे शशांक.

[केदार मेहेंदळे]

mast....

[dinesh pawar]

bhaaree kalpanaa aahe.

[प्रशांत नागरगोजे]

khup chaan ....

[Rupesh Naik]

   KHUP CHAN Ganapati bappa Moraya........................