नातं

[shashaank]

नातं

रोज पाहते अवती भवती स्नेहाविण सुकलेली नाती
तेज कालचे ओसरलेल्या, काजळलेल्या उदास वाती
संवादांचीही चाकोरी.. तेच उसासे.. तोच उमाळा..
परस्परांची सवयच नुसती.. तिलाच म्हणती लळा जिव्हाळा
रोज टाळणे जबाबदा-या, रोज भांडणे हक्कासाठी
हार गळ्यातिल कुण्या काळचे जोखड झाले मानेभवती
हीच काय पूर्तता प्रीतिची? लोकमान्यता? विवाहबंधन?
गोंडस नावांखाली नुसते देहाचे सुख, पुनरुत्पादन

म्हणून सखया या सा-याहुन नाते सुंदर तुझे नि माझे
शिळेपणाचा शाप न याला.. बकुलफुलापरी सदैव ताजे
असो अनामिक सौह्रद अपुले, नसो तया उपमान जगी
विशुद्ध निर्मळ सदैव उत्कट केवळ ह्रदयाची सलगी
मोजमाप ना देवघेविचे, दुःख न जवळी नसण्याचे
आश्वासन मज असे पुरेसे केवळ त्याच्या असण्याचे..

- स्वाती आंबोळे.(www.paarijaat1.blogspot.com)

[mahesh4812]

"असो अनामिक सौह्रद अपुले, नसो तया उपमान जगी
विशुद्ध निर्मळ सदैव उत्कट केवळ ह्रदयाची सलगी
मोजमाप ना देवघेविचे, दुःख न जवळी नसण्याचे
आश्वासन मज असे पुरेसे केवळ त्याच्या असण्याचे"
atishay sundar

[केदार मेहेंदळे]

hmmmm

[maithili panse]

This is really something.

[shashaank]

THE GREAT SWATEE .....

[मिलिंद कुंभारे]

very nice........

[विक्रांत]

जन विषयाचे किडे .त्यांची धाव बाह्याकडे ...........आठवले

[कौस्तुभ (मी शब्दवेडा)]

 so sad

[sweetsunita66]

शुद्ध प्रेमाची परिकल्पना !!वाह छान !!

[vijaya kelkar]

 '' शुध्द नि निर्मळ नातं . ''
    छान आहे कविता