अर्ध-संकल्प

[शिवाजी सांगळे]

अर्ध-संकल्प

एकीकडे, रोजगाराची कमी
खाजगीकरणाचा जोर आहे !

सवंग लोकप्रियते साठी इथे
योजनांचीच जाहिरात आहे !

विकासाने, काँक्रीट वधारले
सोबत टोलधाड आली आहे !

कागदावरच्या आकडेमोडीत
भुलथापांचा सारा खेळ आहे !

जीडीपी, महासत्तेच्या नादात
महागाई मोकाट सुटली आहे !

हे स्वस्त, ते स्वस्त, ऐकतांना
सर्वसामान्य खरा बेजार आहे !

शिक्षण, शेती निराधार होताना
करदात्यांमुखी शिळे पान आहे!

©शिवाजी सांगळे 🦋 papillon
संपर्क: +९१ ९५४५९७६५८९