मराठी

[umesh kothikar]

नररत्नांची खाण मराठी
सदैव उन्नत मान मराठी
अजिंक्य आहे, अजिंक्य राहील
भारतभूची 'जान' मराठी

पक्ष्यांची ही साद मराठी
कडे कपारी, नाद मराठी
'हर हर हर' डरकाळी फुटते
विजयाचा अस्वाद मराठी

लाजलाजिरी रात मराठी
महाराष्ट्राची बात मराठी
गवतांनाही भाले फुटती
त्या हिरव्या कोंबात मराठी

या मातीचा श्वास मराठी
या दर्याचा न्यास मराठी
या व्योमाच्या अणुरेणूतून
वसते अमुची खास मराठी

या दुर्गांची माळ मराठी
कधी न तुटते नाळ मराठी
वरून कणखर, आतून हळवे
हृदयामधले बाळ मराठी

धरतीच्या उदरात मराठी
कधी न सोडी साथ मराठी
या देशातून प्रेम वाहते
या देशाची जात मराठी

[केदार मेहेंदळे]

jabbardast...... khup chan

[umesh kothikar]

Dhanyavaad kedaar, yaa kaviteche gaane hotey ata album madhe.

[bhanudas waskar]

जय महाराष्ट्र


मस्त ..........



****भानुदास वासकर****