प्रश्न

[umesh kothikar]

तुझ्या स्मृतींतील तुला नको ते
मला नेमके देशील का?
मौनाआधी फक्त एकदा
ओठांवरती येशील का?

प्रतिबिंबातून बिंब तुझे तू
डोळ्यांमधले घेशील का?
हृदय बिचारे तसेच ठेवून
फक्त चेतना नेशील का?

स्पर्शामधली विसरून ओळख
अबोध होउन हसशील का?
जेथ उमटली खूण तुझ्यावर
माझी, आता पुसशील का?

मलाच वगळून जगण्यासाठी
स्वतः तरी तू पुरशील का?
मी गेल्यावर आयुष्यातून
सांग तुझी तू उरशील का?

[केदार मेहेंदळे]

hi tar sundar gazal aahe.... khup chan.

[shashaank]

मी गेल्यावर आयुष्यातून
सांग तुझी तू उरशील का? - kyaa baat hai....

[suresh naik]

nice yaar.....

[sia]

khup khup sundar kavita ahe..nehmi vachavi v athvanit rahil ashi kavita ahe