जगाच्या रंगमंचावर

[शिवाजी सांगळे]

जगाच्या रंगमंचावर

कुठे असतो, जगाच्या या रंगमंचावर आपण?
जवळ असून असतो काही अंतरावर आपण!

भास आभासाचा पूर्वनियोजित हा खेळ सारा
कसा, किती आणि कुठवर खेळणार आपण?

हळूवारपणे वेढून घेते ती अज्ञात गूढ पोकळी
वास्तवात विचार करतो का सारासार आपण!

मानतो स्वतः सुक्ष्म अस्तित्व ब्रम्हांडात आपले
तरी जिद्द गगनाला गवसणी घालणार आपण!

साधा, तरी अमर्त्य विचार मानवाचा या जगती
शाश्वत कुतूहलाने, ठरवूनच चालणार आपण!

©शिवाजी सांगळे 🦋 papillon
संपर्क: +९१ ९५४५९७६५८९