ऋण-ओव्या

[शिवाजी सांगळे]

ऋण-ओव्या

आपोआप सुचते गं, जात्यावरी ओवी
किती सांगू गं आता, मराठीची थोरवी...१

ज्ञानोबाने सोपी केली,देवाची गं गीता
अशी गोड भाषा, सारे वाचतोय आता...२

झाले कैक अत्याचार मिटवण्या तिला
तरीही तगली माय,सोसून अन्यायाला...३

संतांनी जोपासली, अभंगाच्या रुपाने
गायल्या कुणी ओव्या,कुणी भारुडाने...४

वारसा हा थोर, दिला जो आपल्याला
झेंडा या मराठीचा, भिडवूया गगनाला...५

बाळपणी वाढलो, बोलूनी बोल जिचे
करु प्रयत्न जरासे,फेडण्या ऋण तिचे...६

©शिवाजी सांगळे 🦋 papillon
संपर्क: +९१ ९५४५९७६५८९