जाहिराती न् सेवा

[शिवाजी सांगळे]

जाहिराती न् सेवा

एक म्हणे घरबसल्या लग्न जुळवा
दुजा म्हणे स्वस्तात औषधं मागवा

तिसरीची तर बुवा, वेगळीच तऱ्हा
मी सांगते तिथे खुशाल पैसे गुंतवा

A I भविष्याने,भलं बुरं काय होतं?
न् म्हणती, अँप डाउनलोड मारावा

भाजीपाला,दुधाचा पण बोलबाला
श्रेष्ठत्वाचा टेंभा तुम्ही मान्य करावा

जो येतो तो भारी, फक्त सल्ले देतो
जाहिरातींमधून आमचा धंदा व्हावा

स्वार्थी सेवादारांच्या या भाऊगर्दीत
ग्राहकाचा विचार तो कुणी करावा?

©शिवाजी सांगळे 🦋 papillon
संपर्क: +९१ ९५४५९७६५८९