प्रवृत्ती

[शिवाजी सांगळे]

प्रवृत्ती

तुझ्या उपकारा या, कसे तोलावे कुणी?
अनंत हाताने दिले,त्यांस मोजावे कुणी?

करतो मनमानी, मानवच स्वार्थी येथला
विकृतीस त्याच्यातल्या आवरावे कुणी?

टोलवितो कधी, भावना विचार प्रेम सारे
बदल रे मानसिकता, त्यां सांगावे कुणी?

लालसा, हाव,ओढीने सतत स्वैर धावते
अशा धावऱ्या या मनास सावरावे कुणी?

मी, माझं, मलाच्या चक्रात गुरफटलेल्या
प्रवृत्तीला आजच्या, येथे सोडवावे कुणी?

©शिवाजी सांगळे 🦋 papillon
संपर्क: +९१ ९५४५९७६५८९