रात्र थांबवा जरा !

[shashaank]

रात्र थांबवा जरा !

(प्रेषक चैतन्य दीक्षित) www.manogat.com/node/13871


का तशीच चालली बनून रात्र पाहुणी?

सांगतोय का तिला मिठीतली नशा कुणी?


का तसेच चांदणे पहाटगीत गातसे?

की कुणी सुधा पिऊन धुंद धुंद होतसे?


रातराणिची तशीच ही सुगंध-स्पंदने

की कुणा मिळून मुक्ति घट्ट होत बंधने?


चोरपावली निघून जाय रात्र ही पहा,

सांगतात तृप्त श्वास, काय वाटले, अहा !


रात्र थांबवा अशीच,रात्र थांबवा जरा

सोबती तिच्याच ये,मिठीस अर्थ तो खरा!


ही जशी असेल रात्र दाट दाट आतुनी

तेवतात रासरंगदीप अंतरातुनी!


थांबवा म्हणून रात्र,चांदणेहि थांबू द्या,

रेशमी सुगंध-वेळ ही अशीच लांबू द्या!!

[jyoti salunkhe]

Sundar Kavita

[shashaank]

 CHAITANY THE GREAT.......

[sweetsunita66]

 

का तशीच चालली बनून रात्र पाहुणी?

सांगतोय का तिला मिठीतली नशा कुणी?....... http://marathikavita.co.in/Themes/default/images/post/thumbup.gif

[shashaank]

kitee "LAY baddh" lihilee aahe Chaitanyane ....