पुनरावृत्ती

[genius_pankaj]

पुन्हा डोळे उघडावे
तेच तेच ते पुन्हा पहावे
पुन्हा पुन्हा तेच ते संदर्भ
केवळ बदलत राहती नावे

पुन्हा भेटावी  तीच माया
नित्याची तीच ती नाती
पुन्हा पुन्हा पिचावी काया
पुन्हा त्याच त्या विझणार्या वाती

पुन्हा तोच तोच मोहपाश
मन पुन्हा कुठेतरी जडावे
मग नको नको वाटेतरी पुन्हा
त्याच चिखलात रुतुनी पडावे

पुन्हा तीच पायवाट चालावी
पुन्हा पुन्हा लागावी तीच वळणे
मग तोच तो नित्याचा अंधार
पुन्हा पुन्हा ते ओसाड जगणे

पुन्हा स्वप्नभंग आणि
धाय मोकलून रडावे
अशासाठीच का जन्म सारा
की पुन्हा पुन्हा हे घडावे.................

genius_pankaj

[केदार मेहेंदळे]

chan kavita

[shashaank]

अतिशय सुरेख कविता. मांडणीत जरा सफाई आली की अगदी बहारदार होईल. अशाच सुंदर सुंदर कवितांची अपेक्षा आहे तुमच्याकडून.

[प्रशांत नागरगोजे]

Chan ahe!!

[santoshi.world]

hummmm .... nice ... i like it very much ...